Հելլենիզմ կամ հունականություն, Մերձավոր ու Միջին Արևելքի երկրների պատմության մեջ յուրահատուկ ժամանակաշրջան (մ.թ.ա. IV – մ.թ.ա. I դդ.)։ Սկզբնավորվել է Ալեքսանդր Մակեդոնացու նվաճումներից հետո, սկսել է գերակայել հունական մշակույթը և լեզուն։
Եզրույթի պատմությունը
«Հելլենիզմ» եզրույթը գիտական շրջանառության մեջ է դրել գերմանացի պատմաբան Յո. Դրոյզենը (1808-1884)՝ դրա տակ հասկանալով «հունական պետականության և կրթվածության տարածումը» արևելյան ժողովուրդների մեջ, անտեսելով հելլենիզմի հասարակական և տնտեսական էությունը։ Այնուհետև հելլենիզմը մեկնաբանվել է որպես միայն մշակութային (Յու. Կերստ), քաղաքական (Վ. Տառն) կամ տնտեսական (Մ. Ռոստովցև) ազդեցություն։ Հելլենիզմը բնորոշվել է նաև որպես պատմական որոշակի ժամանակաշրջան՝ պայմանավորված հունական և տեղական հասարակական և տնտեսական, քաղաքական, մշակութային տարրերի ու սովորույթների փոխազդեցությամբ։ Հելլենիզմի ժամանակաշրջանի ավարտն ընդունված է համարել մ.թ.ա. 30-ը, երբ Հռոմը նվաճել է հելլենիստական վերջին պետությունը՝ Պտղոմեոսյան Եգիպտոսը, թեև հելլենիզմին բնորոշ երևույթները շարունակել են գոյատևել։
Հելլենիզմը Մեծ Հայքում
Մեծ Հայքը հենց սկզբից ընդգրկվել է հելլենիստական աշխարհի ոլորտը։ Զարգացել են երկրի տնտեսական և քաղաքական կյանքը, քաղաքաշինությունը, հելլենիստական մշակույթը։ Արտաշեսյան արքայատան օրոք (մ.թ.ա. II-I դդ.) Մեծ Հայքը դարձել է հելլենիստական խոշոր տերություն։ Ինչպես մնացյալ ազգերի, այնպես էլ հայերի շրջանում այն մեծ զարգացում է ունեցել, ցավոք, մեզ է հասել ժամանակի շինություններից միայն Գառնիի հելլենիստական տաճարը։
Ալեքսանդր Մակեդոնացի
Ալեքսանդրին կրթել ու դաստիարակել է հույն փիլիսոփա Արիստոտելը, իսկ ռազմական պատրաստությունն անցել է հոր՝ Մակեդոնիայի թագավոր Փիլիպոս II-ի ղեկավարությամբ: Ալեքսանդրը եղել է խելացի, խորաթափանց, աչքի է ընկել համառ կամքով ու քաջությամբ: Նրա բանակը կարգապահ էր ու լավ մարզված: Մ. թ. ա. 334 թ-ին հունա-մակեդոնական զորքով անցել է Հելլեսպոնտոսը (ներկայիս Դարդանելը) և մայիսին Գրանիկոն գետի մոտ պարտության մատնել պարսիկներին: 333 թ-ի աշնանը Պարսից արքա Դարեհ III-ը փորձել է Իսոս քաղաքի մոտ դիմադրել Ալեքսանդրի զորքին, սակայն կրկին պարտվել ու փախել է: 332 թ-ին, գրավելով բոլոր նավահանգիստները, Մակեդոնացին պարսկական նավատորմին զրկել է հենակետերից և իր տիրապետությունը հաստատել ծովում: Մ. թ. ա. 332–331 թթ-ի ձմռանն առանց դիմադրության գրավել է Եգիպտոսը, և քրմերը նրան պաշտոնապես ճանաչել են Եգիպտոսի թագավոր: 331 թ-ի հոկտեմբերի 1-ին Ադիաբենեի Գավգամելա (ներկայումս` Թել Հոմել՝ Իրաքում) գյուղի մոտ Ալեքսանդրը ջախջախել է (Գավգամելայի ճակատամարտ) պարսկական բանակը: Դարեհը կրկին փախուստի է դիմել, սակայն նրան սպանել են իր մերձավորները: Ալեքսանդրն իրեն հռչակել է Աքեմենյանների ժառանգորդ ու Ասիայի արքա:Գավգամելայի ճակատամարտին պարսկական բանակի կազմում մասնակցել են նաև Մեծ Հայքի զորքերը՝ Երվանդ Գ-ի, և Փոքր Հայքինը՝ Միթրաուստեսի գլխավորությամբ, ովքեր պարսկական կողմի պարտությունից հետո հռչակվեցին իրենց երկրների թագավորներ: Ալեքսանդրը Հայաստան չի արշավել, բայց Մենոն զորավարի գլխավորությամբ զորամաս է ուղարկել գրավելու Սպեր գավառի ոսկու հանքերը, բայց հայերը թույլ չեն տվել հունա-մակեդոնական զորքին մտնել Հայաստան և ճակատամարտում սպանել են Մենոնին:Իր իշխանությունն ամրապնդելու համար Ալեքսանդրը հիմնադրել է մոտ 70 քաղաք-գաղութներ, որոնց մեծ մասն իր անունով կոչել է Ալեքսանդրիա: Շարունակելով ռազմերթը՝ 329 թ-ին ներխուժել է Միջին Ասիա, 327 թ-ի գարնանը մտել Արևմտյան Հնդկաստան և 326 թ-ին գրավել Փենջաբը, սակայն հանդիպելով հոգնատանջ զորքի բացահայտ դիմադրությանը՝ նա դադարեցրել է արշավանքը դեպի Գանգեսի ափերը և 324 թ-ին վերադարձել է կայսրության մայրաքաղաք հռչակված Բաբելոն, որտեղ էլ հունիսի 13-ին մահացել է դողէրոցքից: Նրա դին մեղրի մեջ տեղափոխել են Մակեդոնիա: Ալեքսանդրի հսկայածավալ տերությունը շուտով տրոհվել է առանձին պետությունների: Սակայն նրա արշավանքները մեծապես նպաստել են Արևելքի ու Արևմուտքի մերձեցմանը: Մակեդոնացու նվաճումներից հետո սկզբնավորվել է հելլենիզմի դարաշրջանը: Հելլենիզմը տարածվել է նաև Հայաստանում |
Գավգամելայի ճակատամարտը տեղի է ունեցել մ.թ.ա. 331 թ. հոկտեմբերի 1-ին, Ալեքսանդր Մակեդոնացու ու Դարեհ III Աքեմենյանի զորքերի միջև Գավգամելայի հարթավայրում: Այն համարվում է Ալեքսանդր երրորդի վճռորոշ ճակատամարտը Պարսկաստանի տերության դեմ, որն ավարտվեց հունամակեդոնական զորքի կատարյալ հաղթանակով և ազդարարեց Աքեմեյան տիրակալության փլուզումը։ Պատերազմի պատճառը այն էր, որ Ալեքսանդ Մակեդոնացին ուզում էր գրավել պարսական հողերը այդ իսկ պատճառով սկսեց պատերազմը: Պատերազմում կռվում էին նաև հայերը, ովքեր պարսիկների կողմից էին, որովհետև այդ ժամանակ հայերը պարսիկների տիրապետության տակ էին: Շնորհիվ Պարսկաստանի պարտության վերականգնվեց Հայաստանի անկախությունը Մեծ ու Փոքր Հայքերում: 2.Գրյունվալդի ճակատամարտ 1410թ. հուլիսի 15-ին միացյալ լեհ-լիտվական բանակը ջախջախեց Տևտոնական միաբանության զորքը: Այդ առասպելական հաղթանակը զգալի փոփոխություններ մտցրեց համաեվրոպական և հատկապես սլավոնների պատմության մեջ: Վճռորոշ ճակատամարտը տեղի ունեցավ ժամանակակից Լեհաստանի տարածքում, Գրյունվալդ գյուղի մոտ: Միացյալ լեհ-լիտվական բանակում, լեհերից ու լիտվացիներից բացի, կողքի կողքի մարտնչել են ուկրաինացիներ, բելառուսներ, ռուսներ, չեխեր, հայեր, ինչպես նաև թաթարներ: Ժողովրդների նման ներկայության պատճառով այդ ճակատամարտը կոչում են «ժողովրդների ճակատամարտ»: Հայերը նույնպես մասնակցել են Գրյունվարդի ճակատամարտին, քանի որ այդ ժամանակ Լեհաստանը եղել է գաղթօջախ: 4.Վիեննայի ճակատամարտ 1683թ Կոնստանդուպոլսի անկումից ուղիղ 230 տարի անց Օսմանյան կայսրությունը սպառնում էր արդեն ոչնչացնել ողջ արևմտյան քրիստոնեկան քաղաքակրթությունը, իսկ 200.000-անոց թուրքական բանակը պաշարել էր Ավստարիայի մայրաքաղաք Վիեննան, որի անկման դեպքում ճանապարհ կբացվեր դեպի կենտրոննական և արևմտյան Եվրոպա։ Հայերը նույնպես մասնակցել են, որովհետև բոլորին գրավելուց , սպանելուց հետո հերթը մեզ էր հասնելու: Գիակցելով այս վտանգը, Լեհաստանը, Ավստրաիան, գերմանակն մի շարք տերություններ և Զապոռոժյեի կազակները միավորվեցին և 85.000 հոգանոց ուժով առաջ շարժվեցին դեպի թուրքական հորդաները՝ Լեհաստանի արքա Յան Սոբեսկու գլխավորությամբ։ Վիեննայի ճակատամարտը տեղի ունեցավ 1683 թվականի սեպտեմբերին։ Թուրքական բանակի համանատար Կարա Մուստաֆայի հրամանով առավոտյան ժամը 4-ին թուրքերը գրոհեցին Վիեննային հասած քրիստոնեական միացյալ ուժերին, որպեսզի թույլ չտա դրանց լիարժեք ծավալումը։ 13 ժամ արյունահեղ ճակատամարտ էր ընթանում հիմնականում հետևակայինների միջև, իսկ թուրքերը ճակատագրական սխալ էին թույլ տվել. Կարա Մուստաֆան շեշտը դրել էր քաղաքի վճռական գրոհի վրա, ոչ թե բուն ճակատամարտի։ Արդյունքում, Յան Սոբեսկին՝ 20000-անոց ծանր հեծելազորով իրականացրեց պատմության ամենախոշորագույն հեծելազորային գրոհներից մեկը և կանխորոշեց ճակատամարտի արդյունքը։ Թուրքերն ու իրենց դաշնակիցները ջախջախիչ պարտություն կրեցին՝ մարտի դաշտում թողնելով 15000 զոհված ու վիրավոր և 5000 գերի։ Թուրքերը կորցրեցին նաև իրենց ողջ հրետանին ու նահանջեցին։ Վիաննայի ճակատամարտով կարելի է ասել կասեցվեց Իսլամի ռազմական էքսպանսիան դեպի քրիստոնեական Եվրոպա։ 5. Բորոդինոյի ճակատամարտբորոդինո 1812թ. օգոստոսի 26-ի (սեպտեմբերի 7-ի) լուսաբացին, Մոսկվայից 125 կիլոմետրի վրա գտնվող Բորոդինո գյուղի մոտի՝ դաշտում, իրար դիմաց էին դուրս եկել Եվրոպայի միացյալ բանակի՝ Մեծ բանակի գլխավոր ուժերը (135.000 զինվոր, 587 թնդանոթ)՝ Նապոլեոն Բոնապարտի հրամանատարության ներքո և Ռուսական կայսրության գլխավոր ուժերը (130-140.000 մարտիկ, 624 թնդանոթ)` գեներալ Կուտոզովի հրամանատարության ներքո։ Ճակատամարտը սկսվեց 5։30՝ ֆրանսիական հրետանու համազարկով։ Գրեթե 14 ժամ տևած արյունահեղ մարտի արդյունքները մինչ այժմ էլ վիճարկվում են՝ ֆրանսիացիները Բորոդինոն համարում են իրենց հաղթանակը, որովհետև գրավեցին ռուսական ճակատի կենտրոնն ու թևը, իսկ ռուսները համարում են իրենց հաղթանակը, որովհետև թեև ֆրանսիացիք գրավեցին դիրքերը, բայց նահանջեցին առանց մարտի։ Կորուստների մասին տվյալները ևս հակասական են։ Ըստ տարբեր աղբյուրների՝ ֆրանսիացիներն ունեցել են 30-58.000 կորուստ՝ զոհվածներով, վիրավորներով և գերիներով, իսկ ռուսները՝ 40-45.000: Փաստ է, որ ճակատամարտից հետո ռազմի դաշտում մնացած դիակները այրելիս հավաքել են մոտ 50.000 դի։ Ամեն դեպքում, Բորոդինոյի ճակատամարտը համարվում է մինչ այդ եղած ճակատամարտերից ամենաարյունահեղը ու թեև այն չունեցավ վճռական կարճաժամկետ հետևանք հակամարտող կողմերի համար, այն կանխորոշեց 1812 թվականի Հայրենական մեծ պատերազմի հաղթական արդյունքը ռուսների համար, որովհետև Նապոլեոնը չկարողացավ հաղթեր ռուսական գլխավոր ուժերին։ 6. Կոտմանի ճակատամարտ Կոտմանի ճակատամարտ 1221 թ., ճակատամարտ հայ-վրացական զորքերի և Անդրկովկաս ներխուժած մոնղոլների միջև։ Տեղի է ունեցել հունվարին: Մոնղոլական 20-հազարանոց բանակը Զեբե նոյինի և Սուբադա բահատուրի գլխավորությամբ Անդրկովկաս էր թափանցել 1220 թվականին և Աղստևի շրջանում պարտության մատնել հայ-վրացական 10-հազարանոց զորքին։ Դաշինք կնքելով Ատրպատականի աթաբեկ Ուզբեկի և Խլաթի կառավարիչ Աշրափի հետ՝ հայ և վրաց իշխանները պատաստվում էին մոնղոլներին ճակատամարտ տալ գարնանը։ Իմանալով այդ, Ուտիքի Բեղամեջ կոչվող վայրում ձմեռելու քաշված մոնղոլները նախահարձակ եղան։ Հայ-վրացական բանակը Իվանե Ա Զաքարյան աթաբեկի և վրաց թագավոր Գեորգի IV Լաշայի գլխավորությամբ պարտության մատնեց մոնղոլների հավաքագրած թուրք-քրդական զորքին, բայց ի վերջո նահանջեց՝ չդիմանալով մարտադաշտ մտած մոնղոլական բանակի ճնշմանը։ Կոտմանի ճակատամարտում հայերից հատկապես աչքի ընկավ աջ թևում գործող Վահրամ Գագեցին, որը, չիմանալով հայ-վրացական հիմնական ուժերի նահանջի մասին, իր զորամասով թշնամուն հետապնդեց մինչև Գարդման։ Կոտմանի ճակատամարտը առաջին լուրջ դիմադրությունն էր մոնղոլներին Անդրկովկասում։ 7.Արարայի ճակատամարտ Տեղի է ունեցել 1918 թ. սեպտեմբերի 19-ին, պաղեստինի Ռաֆաթ-Արարա բարձրունքի վրա, ֆրանսիական զինված ուժերի կազմում գործող Հայկական լեգեոնի և թուրքական բանակի միջև։ 1914 թ. Եվրոպայում գտնվող Հայոց ազգային պատվիրակության ղեկավար Պողոս Նուբար փաշայի և Ֆրանսիայի զինված ուժերի կազմում ստեղծվում էր Հայկական լեգեոն, որը հետագայում պետք է դառնար Կիլիկիայի Հայկական Հանրապետության զինված ուժերի կորիզը։ Լեգեոնը պետք է մասնակցեր Պաղեստինյան ճակատում ռազմական գործողություններին։ 1918 թ․ սեպտեմբերի 19-ին Արարա բարձրունքի մոտ տեղի ունեցած ճակատամարտում, որին հայկական կողմից մասնակցում էր 5000, իսկ թուրքական կողմից 12000 զինոր, հայկական ուժերին հաջողվեց ճեղքել թշնամու ճակատը և անցնել նրա թիկունք։ Այս ճեղքումը ապահովեց դաշնակիցների անգլո-ֆրանսիական զորքերի ընդհանուր հարձակումը և թուրքերիլիակատարպարտությունը։ 8. Դիլմանի ճակատամարտ Տեղի է ունեցել ռուսական կայսրության և թուրքական զորքերի միջև Ուրմիա լճի շրջանում, Դիլման գյուղաքաղաքի մոտ (Իրան), առաջին համաշխարհային պատերազմի ժամանակ։ Այս ճակատամարտում ռուսական զորքերը հայազգի գեներալ Թովմաս Նազարբեկյանի զորավարական տաղանդի և հայկական 1-ին կամավորական խմբերի հրամանատար, հայ ազատագրական շարժման ականավոր գործիչ Անդրանիկի օժանդակությամբ ջախջախիչ պարտության են մատնում թուրքական զորքերին: Այս հաղթական ճակատամարտով փաստորեն վիժեցվում է թուրքական զորքերի լայնածավալ ծրագիրը` գրավելով Դիլման (քաղաք հյուսիսային Պարսկաստանում)՝ շարժվել Ջուլֆա, ապա՝ Նախիջևան, հետո ներխուժել Զանգեզուր, Ղարաբաղ: 9. Ստալինգրադի ճակատամարտ Սովետական զինվորը ծածանում է Կարմիր դրոշը Ստալինգրադի կենտրոնական հրապարակում, 1943 թ. Ստալինգրադի ճակատամարտը Երկրորդ համաշխարհային պատերազմի հիմնական և վճռական ճակատամարտն էր, որում Նացիստական Գերմանիան և նրա դաշնակիցները կռվում էին Սովետական Միության դեմ Ստալինգրադ քաղաքի վերահսկման համար։ Ճակատամարտը տեղի ունեցավ 1942 թ. օգոստոսի 23-ից 1943 թ. փետրվարի 2-ը։ Այն համարվում է պատերազմների պատմության մեջ ամենաարյունալի ճակատամարտը՝ մոտավորապես երկու միլիոն զոհ։ Գերմանական բանակի մեծ կորուստների պատճառով Ստալինգրադի ճակատամարտը վճռական բեկում մտցրեց ողջ պատերազմում։ Ստալինգրադի ճակատամարտից հետո Գերմանական բանակը այլևս երբեք չկարողացավ վերադարձնել իր երբեմնի հզորությունը: